చితిమంటల వేడిలో చలికాచుకుంటూ..!

నిశిరాతిరిలో, శూన్యాకాశంలో,
చంద్రలోకపు లోగిలిలో
దేనికోసమో నిరీక్షణ.
చితిమంటల వేడిలో చలికాచుకుంటూ
కీచురాళ్ల వాయిద్యం.
గుప్పెడంత గుండేలో ఇమడని సాగరఘోష
స్వార్థాగ్ని పర్వతంలో పెల్లుబికిన లావా
బంధాలను శిలావరణమై కప్పెస్తుంటే.
జీవన్మరణాల మధ్య రెపెపలాడుతున్న ఆ యవనిక
పేగు బంధం పెనుఉప్పెనై ముంచేసింది
ఊపిరాడని వృద్దకపోతం గిలగిలలాడుతోంది.
ప్రేమ చమురు ఇంకిపోయింది
మరణ మజిలీ చేరకమునుపే
పాడే మీది పడేశారు.
యోనిజులు విస్మరించినా అవనిజలు ఆదరించే.

(వృద్దురాలిని ప్రాణాలతో శ్మశానంలో వదిలిపెట్టి వెళ్ళిన సంఘటనతో నా మదిని తొలచిన వేవేల అక్షరాలలో కొన్ని).