దర్వాజ-క్రీడలు
T20 World Cup 2021: దుబాయ్ వేదిక‌గా జ‌ర‌గుతున్న టీ20 ప్ర‌పంచ‌క‌ప్‌ 2021లో క‌రేబియ‌న్ జట్టు వెస్టిండీస్ చెత్త రికార్డును న‌మోదుచేసింది. శ‌నివారం ఇంగ్లండ్‌తో జ‌రిగిన మ్యాచ్ లో అత్య‌ల్ప స్కోర్ న‌మోదుచేసి… చెత్త రికార్డును మూట‌క‌ట్టుకుంది. కేవ‌లం 55 పరుగుల‌కే ఆలౌట్ అయి టీ20 ప్ర‌పంచ క‌ప్ లో మూడో అత్య‌ల్ప స్కోర్ చేసిన జ‌ట్టుగా నిలిచింది.
మ్యాచ్‌లో టాస్ గెలిచిన ఇంగ్లండ్ కెప్టెన్ ఇయాన్ మోర్గాన్ ఫీల్డింగ్ ఎంచుకున్నాడు. దాంతో ఇన్నింగ్స్‌ని ప్రారంభించిన వెస్టిండీస్ ప్లేయ‌ర్లు ఒక‌రివెంట ఒక‌రు స్వ‌ల్ప స్కోర్ల‌కే వెనుదిరిగారు. ఇంగ్లండ్ బౌల‌ర్ ఆదిల్ ర‌షీద్ ధాటికి విండీస్ జట్టు విల‌విల కొట్టుకుంది. 2.2 ఓవ‌ర్లు వేసిన ర‌షీద్ కేవ‌లం రెండు ప‌రుగులు మాత్ర‌మే ఇచ్చి 4 వికెట్లు తీశాడు. దీంతో విండీస్ జట్టు 14.2 ఓవ‌ర్ల‌లో 55 ప‌రుగులకు ఆలౌట్ అయింది. 10 మంది ఆట‌గాళ్లు సింగిల్ డిజిట్‌కే ప‌రిమితం కావ‌డం గ‌మ‌నార్హం.
ఇక ప్ర‌పంచ క‌ప్‌లో అత్య‌ల్ప స్కోర్ నమోదు చేసిన జ‌ట్ల జాబితాలో శ్రీ‌లంక (39 ప‌రుగులు), నెద‌ర్లాండ్స్ (42), విండీస్ (55)లు టాప్‌-3లో ఉన్నాయి. ఇక విండీస్ టీ20లో అత్య‌ల్ప స్కోరు నమోదు చేయడం ఇది నాలుగోసారి కాగా, ఇందులో 3సార్లు(45, 71, 55) ఇంగ్లండ్‌పైనే నమోదు చేయడం గ‌మ‌నార్హం.
T20 World Cup: ప్ర‌పంచ క‌ప్‌లో ఆస్ట్రేలియా బోణీ..
పెట్రోల్ ప‌న్నుల‌తోనే.. ఫ్రీ వ్యాక్సిన్లు.. :కేంద్ర మంత్రి హ‌ర్దీప్ సింగ్‌పూరీ
బ్రెజిల్‌ అధ్యక్షుడిపై నేర అభియోగాలు
Share this content: