బట్టతల ఉందని బాధపడుతున్నారా.. ? అయితే మీకో గుడ్ న్యూస్..

దర్వాజ-హెల్త్ & బ్యూటీ

bald head treatment: కాలుష్య ప్రభావమో.. లేకపోతే కల్తీ ఫుడ్ వల్లో కానీ ప్రస్తుత కాలంలో బట్టతల సమస్యతో చాలా మందే బాధపడుతున్నారు. ముఖ్యంగా వయస్సుతో సంబంధం లేకుండా యువకులు కూడా ఈ బట్టతల భారిన పడుతున్నారు. అయ్యో నాకు బట్టతల వచ్చిందే అని బాధపడుతున్న వారికి ఓ గుడ్ న్యూస్ వచ్చేసిందోచ్. ఇక ఈ సమస్య గురించి మీరు బాధపడాల్సిన అవసరం కూడా లేదండోయ్. ఇకపోతే సైన్స్ ప్రకారం.. జన్యువుల్లోని బాల్డ్ నెస్ జీన్స్ ఆండ్రోజెనిటిక్ అలోపిసియా అనే లోపం వల్ల బట్టతల వస్తుందన్న సంగతి అందరికీ తెలిసిందే.

అలాగే పోషకాహారలోపం, తీవ్రమైన ఒత్తిడికి గురైనా బట్టతల వస్తుంది. ఇకపోతే ఆడవాళ్లలో అయితే హార్మోన్ల విడుదలలో వచ్చే మార్పులే వెంట్రుకలు రాలడానికి కారణమవుతుంది. వీటితో పాటుగా ఆడ, మగ తేడా లేకుండా బీపీ, షుగర్, గుండెకు సంబంధించిన. ఆర్థరైటిస్ వంటి అనేక వ్యాధులకు వాడే మెడిసిన్స్ కారణంగా కూడా వెంట్రులకు ఊడిపోతాయని నిపుణులు చెబుతున్నారు.

ఇకపోతే బట్టతల సమస్యకు చక్కటి పరిష్కారం ఉందని హార్వర్డ్ వర్సిటీ పరిశోధకులు వెళ్లడించారు. జీఏఎస్6 (GAS6) అనే ప్రోటీన్ జుట్టు పెరుగుదలకు ఎంతో ఉపయోగపడుతుంది. ఈ ప్రోటీన్ తగ్గడం వల్లే బట్టతల, వెంట్రుకలు రాలిపోవడం జరుగుతుందట. సో ఈ ప్రోటీన్ను కనక పెంచితే మీ జుట్టు ఊడిపోకుండా ఉంటుంది. అయితే ఈ ప్రయోగం ప్రస్తుతం ఎలుకలపై చేశారు. త్వరలోనే మనుషులపై కూడా ప్రయోగిస్తారట.