Govt jobs: ప్ర‌తిప‌క్షాల ఉచ్చులో ప‌డొద్దు.. యువ‌త‌ ప్రభుత్వ ఉద్యోగాలకు సిద్ధం కావాలే..: కవిత

ద‌ర్వాజ‌- హైద‌రాబాద్

Telangana : ప్రభుత్వ ఉద్యోగాలు ఆశించే యువకులు ప్రతిపక్షాల ఉచ్చులో పడకుండా చదువుపై దృష్టి సారించాలని టీఆర్‌ఎస్ ఎమ్మెల్సీ, మాజీ ఎంపీ కల్వకుంట్ల కవిత పిలుపునిచ్చారు. రాష్ట్ర ప్రభుత్వం ఇటీవల 80,000 ఉద్యోగాలను ప్రకటించిన విష‌యాన్ని ఆమె ప్ర‌స్తావిస్తూ.. పై వ్యాఖ్య‌లు చేశారు.

7,305 మంది ఫీల్డ్ అసిస్టెంట్లను తిరిగి విధుల్లోకి తీసుకుంటామని ప్రకటించిన ముఖ్యమంత్రి కే చంద్రశేఖరరావుకు కవిత కృతజ్ఞతలు తెలిపారు. ప్రకటన తర్వాత ప్రభుత్వ ఉద్యోగులతో సమానంగా వేతనాలు పొందనున్న 3,978 మంది సెర్ప్ ఉద్యోగులు, 378 మంది మెంపా ఉద్యోగుల తరపున ఆమె ముఖ్యమంత్రి కేసీఆర్‌కు కృతజ్ఞతలు తెలిపారు.

మధ్యాహ్న భోజన పథకంలో నిమగ్నమై ఉన్న 54,201 మంది కార్మికులకు గౌరవ వేతనం ప్రస్తుతం నెలకు రూ.1,000 నుంచి రూ.3,000లకు పెంచుతామని ప్రకటించిన తర్వాత ఆమె అభినంద‌న‌లు తెలిపారు. హోలీ వేడుల‌క నేప‌థ్యంలో యువత, వారి కుటుంబాలు సహజమైన సేంద్రీయ రంగులను ఉపయోగించాలని మరియు పర్యావరణం పట్ల రక్షణగా ఉండాలని ఎమ్మెల్సి క‌విత (TRS MLC Kavitha) విజ్ఞప్తి చేశారు.

శ్రద్ధ పెట్టి చదివి ప్రభుత్వ ఉద్యోగాలు సాధించి పరిపాలనలో భాగస్వామ్యం అవ్వండి.#HappyHoli pic.twitter.com/sh8IGPwMmG

— Kavitha Kalvakuntla (@RaoKavitha) March 17, 2022