అన్నం పరబ్రహ్మ స్వరూపం !

ద‌ర్వాజ – నంగునూర్: నంగునూర్ మండ‌ల కేంద్రంలోని వివేకానంద యూత్ ఆధ్వర్యంలో సిద్ది వినాయక నవరాత్రి ఉత్సవాలు ఘ‌నంగా నిర్వ‌హిస్తున్నారు. ఈ సందర్భంగా ఆదివారం నాడు శనిగరం భూలక్ష్మి మెమోరియల్ ట్రస్ట్ నిర్వాహకులు ఉపాధ్యాయులు శనిగరం కనకయ్య సౌజన్యంతో భక్తులకు అన్నదాన కార్యక్రమం నిర్వహించారు. ఈ సంద‌ర్బంగా శనిగరం కనకయ్య మాట్లాడుతూ.. అన్ని దానములలోకెల్లా అన్నదానం గొప్పదని.. మన శాస్త్రాలు చెబుతున్నాయని, ఇటువంటి కార్యక్రమాల ద్వారా సమాజం నందు సంఘటిత శక్తి ఏర్పడుతుందని అన్నారు. ఆ స్వామివారి కరుణాకటాక్షాలు ప్రతి ఒక్కరిపై ఉండాలని కోరుకుంటున్నానని తెలిపారు. ఈ కార్యక్రమంలో తెరాస నాయకులు చౌడు చెర్ల జయపాల్ రెడ్డి, దాసరి రవి, వేముల రాజమౌళి, లక్ష్మీ నరసయ్య, వివేకానంద యూత్ స‌భ్యులు శనిగరం నవీన్, శ్రీకాంత్, అంజనీ ప్రసాద్, నగేష్, నిరంజన్, అశోక్, శ్రీనివాస్, రాము, రాజేందర్, రాజు తదితరులు పాల్గొన్నారు