ద‌ర్వాజ-జైపూర్
Congress presidential polls: కాంగ్రెస్ అధ్యక్ష ఎన్నికల్లో పోటీ చేస్తానని ప్రకటించిన రాజస్థాన్ ముఖ్యమంత్రి అశోక్ గెహ్లాట్ శుక్రవారం ‘ఒక వ్యక్తి-ఒకరి పదవి’పై చర్చ అనవసరమనీ, తన సొంత రాష్ట్ర ప్రజలకు జీవితాంతం సేవ చేయాలని కోరుకుంటున్నట్లు చెప్పారు. ప్రసిద్ధ సాయిబాబా ఆలయాన్ని సందర్శించిన అనంతరం గెహ్లాట్ మీడియాతో మాట్లాడుతూ.. రాజస్థాన్ ప్రజలకు సేవ చేయాలనే తన ప్రకటనలను వివిధ రకాలుగా అర్థం చేసుకుంటున్నారని అన్నారు. పార్టీ ‘వన్ మ్యాన్-వన్ పోస్ట్’ సూత్రంపై గెహ్లాట్ మాట్లాడుతూ.. రాజస్థాన్ ముఖ్యమంత్రి పదవిని వదులుకోవడం తనకు ఇష్టం లేదని మీడియాలో ప్రచారం జరుగుతోందని పేర్కొన్నారు. అలాగే, ఇది అన‌వ‌స‌రమైన చర్చ అని కూడా తెలిపారు.
“ఇప్ప‌టికే ప‌లుమార్లు నేను ఖచ్చితంగా ఒక‌టి చెప్పాను, నేను ఈ రోజు కూడా చెబుతున్నాను.. నేను ఫారమ్ నింపిన తర్వాత కూడా (కాంగ్రెస్ అధ్యక్ష ఎన్నికల కోసం).. నేను రాజస్థాన్‌కు చెందినవాడిని. నా జీవితకాలం రాష్ట్రానికి సేవ చేయాలనుకుంటున్నాను. ఇలా చెప్పడం తప్పా? ప్రజలు దీనికి వేరే అర్థాన్ని తీసుకుంటారు. మీడియా ఇంకోలా అర్థం చేసుకుంటుంది” అని ఆయన అన్నారు. అయితే, కాంగ్రెస్ సీనియర్ నాయకుడు రాహుల్ గాంధీ గురువారం చింతన్ శివిర్ సంస్కరణలకు అనుగుణంగా ‘వన్ మ్యాన్, వన్-పోస్ట్’ కాన్సెప్ట్ అంశాన్ని ప్ర‌స్తావించారు. అలాగే, తాను పార్టీ అధ్యక్ష పదవికి పోటీ చేయ‌డం లేదని సంకేతాలు కూడా పంపారు.
అంతకుముందు రోజు, కేరళలోని కొచ్చిలో విలేకరులతో మాట్లాడుతూ, గెహ్లాట్ పార్టీ అధ్యక్ష పదవి కోసం పోటీ చేస్తానని స్పష్టం చేశారు. కాగా, తిరువనంతపురం ఎంపీ శశిథరూర్ పార్టీ అధ్యక్ష పదవికి పోటీకి దిగే అవకాశం ఉందని ఊహాగానాలు జోరందుకున్నాయి. కాంగ్రెస్ పార్టీ అధ్యక్ష పదవికి గురువారం నోటిఫికేషన్ విడుదల చేసింది. పార్టీ ఎన్నికల షెడ్యూల్ ప్రకారం, ఎన్నికల నామినేషన్ల ప్రక్రియ సెప్టెంబర్ 24 నుండి 30 వరకు జరుగుతుంది. నామినేషన్ పత్రాల పరిశీలన తేదీ అక్టోబర్ 1, నామినేషన్ల ఉపసంహరణకు చివరి తేదీ అక్టోబర్ 8. ఒకరి కంటే ఎక్కువ మంది అభ్యర్థులు ఉంటే ఎన్నికలు అక్టోబర్ 17న జరుగుతాయి. ఓట్ల లెక్కింపు, ఫలితాల ప్రకటన అక్టోబర్ 19న ఉంటుంది.
शिरडी पहुँचकर साईं बाबा मंदिर में दर्शन किए एवं साईं बाबा से सभी की खुशहाली के लिए प्रार्थना की तथा मंदिर परिसर में उपस्थित लोगों से भी मिले। pic.twitter.com/fNRCw6VVhm
— Ashok Gehlot (@ashokgehlot51) September 23, 2022