దర్వాజ-ముజఫర్‌నగర్‌
Muzaffarnagar: హిందూయేతర యువకులు ఎవరైనా హిందూ మహిళల చేతులపై ‘మెహందీ’ రాస్తే తీవ్ర పరిణామాలుంటాయని హిందూ మహాసభ హెచ్చరించింది. గురువారం రాత్రి జరిగే కర్వా చౌత్ పూజకు ముందు హిందూ మహిళలు తమ చేతులకు మెహందీని పూసుకుంటారు. ఖతౌలీకి చెందిన బీజేపీ ఎమ్మెల్యే విక్రమ్ సైనీ మాట్లాడుతూ.. మెహందీ షాపులను తెరిచిన ముస్లిం యువకుల ఉద్దేశాలు భిన్నంగా ఉంటాయ‌నీ, వారి మనస్సులలో లవ్ జిహాద్ ఉద్దేశాలు ఉన్నాయ‌ని అన్నారు.
“ఈ మెహందీ పని ముసుగులో వారు లవ్ జిహాద్ నిర్వహిస్తున్నారు. ఇలాంటి కేసులు చాలానే ఉన్నాయి. హిందూ మహిళలకు నా అభ్యర్థన ఏమిటంటే, ఇంట్లో లేదా మా కమ్యూనిటీ సభ్యులు తెరిచిన దుకాణాలు, బ్యూటీ పార్లర్‌ల వెళ్లి మెహందీని వేసుకోండి”అని సైనీ గురువారం అన్నారు. ఈ క్రమంలోనే విశ్వహిందూ పరిషత్ (VHP) 13 మెహందీ స్టాల్స్‌ను తెరిచింది. ముస్లిం పురుష మేకప్ ఆర్టిస్టులు హిందూ మహిళలకు మెహందీ లేదా గోరింట వేయకుండా చూసేందుకు దాని సభ్యులకు బాధ్యత వహించారు. మెహందీ ఆర్టిస్టుల ఆధార్ కార్డులను పరిశీలించి వారి వివరాలను వెరిఫై చేస్తున్నారు.
“లవ్ జిహాద్” బారిన పడకుండా “మా సోదరులు-సోదరీమణులను” రక్షించడానికి ఈ చర్య అని హిందూ మహాసభ సభ్యుడు లోకేష్ సైనీ అన్నారు. కర్వా చౌత్ ప్రాముఖ్యతను అర్థం చేసుకున్న హిందూ మహిళలు స్టాల్స్ యజమానుల వద్దకు వెళ్లాలని ఆయన ఐఏఎన్ఎస్ నివేదించింది.