4 రోజుల విరామం త‌ర్వాత తెలంగాణ‌లో రాహుల్ గాంధీ భార‌త్ జోడో యాత్ర ప్రారంభం

దర్వాజ-హైదరాబాద్

Bharat Jodo Yatra: నాలుగు రోజుల విరామం తర్వాత రాహుల్ గాంధీ నేతృత్వంలోని కాంగ్రెస్ భారత్ జోడో యాత్ర గురువారం నారాయణపేట జిల్లా మక్తల్ నుంచి తిరిగి ప్రారంభమైంది. దీనికి సంబంధించిన వివ‌రాల‌ను కాంగ్రెస్ పార్టీ వర్గాలు తెలిపాయి. మక్తల్ నుంచి ఉదయం 6.30 గంటలకు రాష్ట్ర కాంగ్రెస్ అధ్యక్షుడు ఎ.రేవంత్ రెడ్డి, ఎంపీ ఉత్తమ్ కుమార్ రెడ్డి, సీఎల్పీ నేత భట్టి విక్రమార్క, పలువురు పార్టీ నేతలు రాహుల్ గాంధీతో క‌లిసి ముందుకు సాగారు. ఇది రాష్ట్రంలో యాత్రలో రెండవ రోజు.. రాయచూర్ నుంచి కర్ణాటక నుంచి బయలుదేరిన అనంతరం భారత్ జోడో యాత్ర అక్టోబర్ 23న ఉదయం గుడెబెల్లూరు మీదుగా తెలంగాణ రాష్ట్రంలోకి ప్రవేశించింది. కొద్ది స‌మ‌యం పాటు యాత్ర కొన‌సాగిన త‌ర్వాత‌.. ఆదివారం మధ్యాహ్నం నుండి అక్టోబర్ 26 వరకు దీపావ‌ళి, కాంగ్రెస్ అధ్య‌క్షుని ప్ర‌మాణ స్వీకారం వంటి కార‌ణాల‌తో యాత్ర‌కు విరామం ఇచ్చారు.

అక్టోబర్ 23న దేశ రాజధానికి బయలుదేరిన రాహుల్ గాంధీ గత బుధ‌వారం రాత్రి విమానంలో ఇక్క‌డుకు చేరుకుని రోడ్డు మార్గంలో గుడిబెల్లూరుకు బయలుదేరారు. రాష్ట్రంలో యాత్ర గురువారం నాటికి 26.7 కిలోమీటర్లు పూర్తవుతుందని, మక్తల్ లోని శ్రీ బాలాజీ ఫ్యాక్టరీ స‌మీపంలో భార‌త్ జోడో యాత్ర అగుతుంద‌ని పార్టీ వర్గాలు తెలిపాయి. మక్తల్ నుంచి 16 రోజుల పాటు తెలంగాణ రాష్ట్రంలో 16 రోజుల పాటు 375 కిలో మీట‌ర్ల మేర 19 అసెంబ్లీ, 7 పార్లమెంటరీ నియోజకవర్గాలను కవర్ చేసి నవంబర్ 7న మహారాష్ట్రలోకి ప్రవేశించనుంది. ఈ క్ర‌మంలోనే న‌వంబ‌ర్ 4న యాత్ర‌కు విరామం ఇవ్వ‌నున్నారు.

దేశానికి సుపథం వేస్తున్న వేళ!

తెలంగాణలో దోపిడి పాలనకు చరమగీతం పాడేందుకు పడుతున్న అడుగులు!@RahulGandhi ఒక్క అడుగు వెంట, లక్షలాది అడుగులు, పెను ఉప్పేనై కదులుతున్న ప్రత్యక్ష క్షణాలు! చరిత్ర లిఖించబడుతున్న వేళ! #BharatJodoYatra #ManaTelanganaManaRahulGandhi @revanth_anumula pic.twitter.com/vqlIwJQv6K

— Telangana Congress (@INCTelangana) October 27, 2022

భార‌త్ జోడో యాత్ర సంద‌ర్భంగా వ‌య‌నాడ్ పార్ల‌మెంట్ స‌భ్యులు, కాంగ్రెస్ మాజీ అధ్య‌క్షులైన రాహుల్ గాంధీ.. క్రీడా, వ్యాపార, వినోద రంగాలకు చెందిన ప్రముఖులతో సహా మేధావులు, వివిధ వర్గాల నాయకులతో సమావేశమవుతారు. అలాగే, తెలంగాణ వ్యాప్తంగా ప్రార్థనా మందిరాలు, మసీదులు, దేవాలయాలను సందర్శించి ప్రార్థనలు చేస్తారని తెలంగాణ ప్రదేశ్ కాంగ్రెస్ కమిటీ సభ్యులు తెలిపారు. కాగా, భారత్ జోడో యాత్ర సెప్టెంబర్ 7న తమిళనాడులోని కన్యాకుమారి నుంచి ప్రారంభమైంది. తెలంగాణ‌కు ప్ర‌వేశించ‌డానికి ముందు త‌మిళ‌నాడు, కేర‌ళ‌, ఆంధ్ర‌ప్ర‌దేశ్, క‌ర్నాట‌క‌ల‌లో రాహుల్ పాద‌యాత్ర కొన‌సాగింది. ఈ యాత్రను సమన్వయం చేయడానికి తెలంగాణ రాష్ట్ర కాంగ్రెస్ 10 ప్రత్యేక కమిటీలను ఏర్పాటు చేసింది.