మహిళలు బట్టలు లేకుండా కూడా అందంగా కనిపిస్తారు..: రామ్‌దేవ్ బాబా వివాదాస్ప‌ద వ్యాఖ్య‌లు

ద‌ర్వాజ‌-థానే

Ramdev Baba: యోగా నిపుణుడు రాందేవ్ బాబా శుక్రవారం మహిళల వేషధారణపై వివాదాస్ప‌ద వ్యాఖ్య‌లు చేశారు. దీనిపై రాజకీయ, సామాజిక వర్గాల్లో స‌ర్వ‌త్రా ఆగ్ర‌హం వ్యక్త‌మ‌వుతున్నది. మహిళలు బట్టలు లేకుండా కూడా అందంగా కనిపిస్తారంటూ యోగా గురువు రామ్‌దేవ్ బాబా వివాదాస్ప‌ద వ్యాఖ్య‌లు చేశారు. అయితే, దీనిపై స‌ర్వ‌త్రా ఆగ్ర‌హం వ్య‌క్త‌మ‌వుతున్న‌ది. అక్క‌డే ఆయ‌న్ను చెప్పుతో కొట్టాల్సిందంటూ ప‌లువురు ఘాటుగా స్పందిస్తున్నారు.

వివ‌రాల్లోకెళ్తే.. ఒక‌ యోగా శిక్షణ కార్యక్రమంలో రామ్ దేవ్ బాబా ప్రసంగిస్తూ, “మహిళలు చీరలలో అందంగా కనిపిస్తారు, సల్వార్ సూట్లలో కూడా వారు అందంగా కనిపిస్తారు. నా దృష్టిలో వారు ఏమీ ధరించకపోయినా కూడా అందంగా కనిపిస్తారు” అని అన్నారు. ఆ సమయంలో ఆయన వెంట థానేకు చెందిన బాలాసాహెబాంచి శివసేన ఎంపీ శ్రీకాంత్ షిండే, ముఖ్యమంత్రి ఏక్నాథ్ షిండే కుమారుడు, గాయని అమృతా ఫడ్నవిస్, భారతీయ జనతా పార్టీ ఉప ముఖ్యమంత్రి దేవేంద్ర ఫడ్నవీస్ భార్య, ఇతర ప్రముఖులు కూడా ఉన్నారు. పతంజలి యోగా పీఠ్, ముంబ‌యి మహిళా పతంజలి యోగా సమితి నిర్వహించిన యోగా సైన్స్ క్యాంప్ అండ్ ఉమెన్స్ మీటింగ్ లో రాందేవ్ బాబా ఈ వ్యాఖ్య‌లు చేశారు.

ఈ సదస్సు కోసం యోగా దుస్తులు, చీరలు తీసుకువచ్చిన మహిళలతో ఆయన సంభాషించారు. శిక్షణా శిబిర౦ ముగిసిన వె౦టనే కూట౦ ప్రార౦భమై౦ది కాబట్టి, చాలామ౦ది స్త్రీలు దుస్తులు మార్చుకోవ‌డానికి దొరకలేదు. దీంతో తమ యోగా సూట్లలో దానికి హాజరయ్యారు. దీనిని గమనించిన రాందేవ్, చీరలను మార్చుకోవ‌డానికి సమయం లేకపోతే తమకు ఎటువంటి సమస్య లేదనీ, వారు ఇంటికి వెళ్ళిన తర్వాత దానిని చేయగలరని అన్నారు.

చెప్పుతో కొట్టాల్సింది..

రామ్ దేవ్ బాబా వ్యాఖ్యలపై సర్వత్రా ఆగ్రహం వ్యక్తమవుతున్నది. ఆయన క్షమాపణలు చెప్పాలంటూ మహిళా సంఘాలు డిమాండ్ చేస్తున్నాయి. ఈ క్రమంలోనే సీపీఐ జాతీయ కార్యదర్శి నారాయణ సైతం రాందేవ్‌పై ఆగ్రహం వ్యక్తం చేశారు. చట్టపరమైన చర్యలు తీసుకోవాలని ప్రభుత్వాన్ని డిమాండ్ చేశారు. అక్కడే రామ్ దేవ్ ను చెప్పుతో కొట్టాల్సిందంటూ వ్యాఖ్యానించారు.