దర్వాజ-ముంబయి
RBI to withdraw ₹2000 currency note: రెండు వేల నోటుపై ఆర్బీఐ సంచ‌ల‌న నిర్ణ‌యం తీసుకుంది. 2,000 నోట్లను ఉపసంహరించుకుంటున్నట్లు రిజర్వ్ బ్యాంక్ ఆఫ్ ఇండియా (ఆర్బీఐ) ప్రకటించింది. రూ.2,000 నోట్ల జారీని తక్షణమే నిలిపివేయాలని బ్యాంకులకు రిజర్వ్ బ్యాంక్ ఆఫ్ ఇండియా సూచించింది. అయితే రూ.2,000 నోట్లకు మాత్రం చట్టబద్ధత కొనసాగుతుందని పేర్కొంది.
రెండు వేల రూపాయ‌ల నోటును మే 23 నుంచి బ్యాంకుల్లో మ‌ర్చుకోవ‌చ్చున‌ని తెలిపింది. సెప్టెంబర్ 30 వరకు గ‌డువు విధించిన‌ట్టు తెలిపింది. రిజర్వ్ బ్యాంక్ ఆఫ్ ఇండియా ‘క్లీన్ నోట్ పాలసీ’కి అనుగుణంగా రూ.2000 నోట్లను చెలామణి నుంచి ఉపసంహరించుకోవాలని నిర్ణయించినట్లు సెంట్రల్ బ్యాంక్ శుక్రవారం విడుదల చేసిన ఒక ప్రకటనలో తెలిపింది. రూ.2000 నోట్లు చట్టబద్ధమైనవిగా కొనసాగుతాయి. నిర్ణీత కాలవ్యవధిలో ఈ ప్రక్రియను పూర్తి చేయడానికి, ప్రజలకు తగినంత సమయం ఇవ్వడానికి, అన్ని బ్యాంకులు సెప్టెంబర్ 30, 2023 వరకు రూ .2000 నోట్లకు డిపాజిట్ లేదా మార్పిడి సౌకర్యాన్ని అందిస్తాయి.
రూ.2000 నోట్లలో 89 శాతం 2017 మార్చికి ముందు జారీ అయ్యాయనీ, అవి 4-5 ఏళ్ల జీవిత కాలం ముగిసే దశలో ఉన్నాయని ఆర్బీఐ తెలిపింది. 2018 మార్చి 31 నాటికి చలామణిలో ఉన్న ఈ నోట్ల మొత్తం విలువ రూ.6.73 లక్షల కోట్ల నుంచి (చలామణిలో ఉన్న నోట్లలో 37.3%) రూ.3.62 లక్షల కోట్లకు పడిపోయింది, ఇది 2023 మార్చి 31 నాటికి చలామణిలో ఉన్న నోట్లలో 10.8% మాత్రమే. ఈ డినామినేషన్ ను సాధారణంగా లావాదేవీలకు ఉపయోగించరని కూడా గమనించబడింది. అంతేకాకుండా, ఇతర డినామినేషన్లలో ఉన్న నోట్ల నిల్వలు ప్రజల కరెన్సీ అవసరాలను తీర్చడానికి తగినంతగా ఉన్నాయి.