దర్వాజ – హైదరాబాద్
హైలెట్స్
- చిరంజీవి కెరీర్‌లో 155 సినిమాలు పూర్తి చేశారు
- ‘శాంతి నివాసం’ షూటింగ్ పూర్తైనా విడుదల కాలేదు
- నిర్మాత మరణంతో సినిమా విడుదల నిలిచిపోయింది
- ప్రస్తుతం ‘విశ్వంభర’, అనిల్ రావిపూడి సినిమాల‌తో బిజీగా ఉన్న చిరు
మెగాస్టార్ చిరంజీవి.. విజ‌య‌వంత‌మైన కెరీర్
చిరంజీవి తెలుగు సినీ పరిశ్రమలో 45 ఏళ్లుగా కొనసాగుతున్న సూపర్ స్టార్. ప్రస్తుతం మెగాస్టార్ గా వెలుగొందుతున్న చిరంజీవి జూనియర్ ఆర్టిస్ట్‌గా కెరీర్ మొదలు పెట్టి.. స్టార్ సుప్రీం స్టార్‌గా, మెగాస్టార్‌గా ఎన్నో విజయాలను అందుకున్నారు. టాలీవుడ్‌లోనే కాదు భార‌తీయ చిత్ర‌ప‌రిశ్ర‌మలో త‌న‌కంటూ ఓ ప్ర‌త్యేక స్థానం ఏర్పరచుకున్నారు. ఇప్పటివరకు ఆయన 155 సినిమాల్లో నటించారు. ఇంకా రెండు సినిమాలు సెట్స్ పై ఉన్నాయి.
షూటింగ్ పూర్తితో రిలీజ్ కాని చిరంజీవి సినిమా ‘శాంతి నివాసం’
చిరంజీవి కెరీర్‌లో షూటింగ్ పూర్తయి, పోస్ట్ ప్రొడక్షన్ పూర్తయినప్పటికీ విడుదల కాలేకపోయిన ఏకైక చిత్రం ‘శాంతి నివాసం’. ఈ చిత్రంలో మాధవి హీరోయిన్‌గా నటించారు. ఈ సినిమాకు దర్శకుడు బాబు. చిత్రీకరణ మొత్తం పూర్తయ్యింది. ప్రచార కార్యక్రమాలు కూడా ప్రారంభమయ్యాయి. కానీ అనూహ్యంగా నిర్మాత మరణించడంతో సినిమా విడుదల ఆగిపోయింది.
నిర్మాత మరణంతో చిరు సినిమా విడుదల కాలేదు
‘శాంతి నివాసం’ విడుదలకు కొద్ది రోజులు మాత్రమే మిగిలుండగా నిర్మాత హఠాత్తుగా మృతి చెందారు. దీంతో సినిమా సెంటిమెంటల్‌గా మారిపోయింది. ఇకపై ఈ సినిమాను విడుదల చేయడం మానేశారు. అభిమానులు కొంతకాలం ఎదురుచూసినప్పటికీ, విడుదల జరగలేదు.
చిరంజీవి కెరీర్‌లో అరుదైన సంఘటన
ఇది చిరంజీవి కెరీర్‌లో ఒక అరుదైన ఘటన. షూటింగ్ పూర్తయిన తర్వాత విడుదల కాని సినిమా ఇదే. చిరంజీవి కెరీర్‌లో సూపర్ హిట్స్ తో పాటు ప్లాప్స్ కూడా ఉన్నాయి. కానీ విడుదలకి దగ్గరగా వచ్చి ఆగిపోయిన చిత్రం మాత్రం ‘శాంతి నివాసం’ ఒక్క‌టే.
ప్రస్తుతం రెండు సినిమాల‌తో బిజీగా ఉన్న మెగాస్టార్ చిరు
69 ఏళ్ల వయస్సులో కూడా చిరంజీవి ఎనర్జీ తగ్గలేదు. ప్రస్తుతం యంగ్ డైరెక్టర్ వశిష్ట దర్శకత్వంలో రూపొందిన ‘విశ్వంభర’ సినిమా విడుదలకు సిద్ధంగా ఉంది. అలాగే దర్శకుడు అనిల్ రావిపూడితో మరో చిత్రం షూటింగ్ మూడో షెడ్యూల్‌లో కొనసాగుతోంది. చిరంజీవి మరోసారి ఫాన్స్‌కి అద్భుతమైన చిత్రాలను అందించేందుకు సిద్ధమవుతున్నారు.