సొంత ఖ‌ర్చుల‌తో క‌ల్వ‌ర్టుకు మ‌ర‌మ్మ‌త్తులు..

ద‌ర్వాజ‌-రంగారెడ్డి
Devuni padakal: గ‌త నెల‌లో కురిసిన భారీ వ‌ర్షం కార‌ణంగా త‌ల‌కొండ‌ప‌ల్లి మండ‌లంలోని దేవునిప‌డ‌క‌ల్ గ్రామ ప‌రిధిలోని మహ్మ‌ద్ ఖాన్ చేరువు క‌ట్ట తెగిపోయింది. దాద‌పు 40 రోజులు కావ‌స్తున్న అధికారులు ప‌ట్టించుకున్న పాపాన పోలేద‌ని గ్రామ ప్ర‌జ‌లు, రైతులు పేర్కొంటున్నారు. ఇదిలావుండ‌గా, ఈ మ‌హ్మ‌ద్ ఖాన్ చేరువు తెగిపోవ‌డంతో దాని కింది ప‌రిధిలో ఉన్న క‌ల్వ‌ర్టు సైతం భారీగా వ‌చ్చిన వ‌ర‌ద నీటికి కొట్టుకుపోయింది. ఈ దారి గుండా నిత్యం వంద‌లాది మంది రైతులు వారి పంట పొలాల‌కు వెళ్తారు. త‌ప్ప‌ని ప‌రిస్థితుల్లో రైతులు.. ఉద‌యం, సాయంత్రం నీటిలో త‌డుస్తూ ఆ దారిని దాటాల్సి వ‌స్తున్న‌ది.

ఈ నేప‌థ్యంలోనే గ్రామ ఉప‌స‌ర్పంచ్‌, ప‌లువురు వార్డు మెంబ‌ర్లు సొంత డ‌బ్బు ల‌క్ష రూపాయ‌ల‌తో గ‌తంలో క‌ల్వ‌ర్టును నిర్మించారు. తాజాగా ఉప స‌ర్పంచ్ ఆర్‌.తిరుప‌తి, వార్డు మెంబ‌ర్లు ఏ.వెంక‌టేష్‌, జి.గ‌ణేష్‌, ఏ.న‌ర్సింహ్మ క‌లిసి రూ.60 వేల సొంత డ‌బ్బుతో క‌ల్వ‌ర్టుకు మ‌ర‌మ్మ‌త్తులు చేయించారు.