దర్వాజ-హైదరాబాద్
5G in India: మొబైల్ ఫోన్‌లలో అల్ట్రా-హై-స్పీడ్ ఇంటర్నెట్ యుగానికి నాంది పలికి, అక్టోబర్ 1న దేశంలో 5G సేవలు ప్రారంభమయ్యాయి. అయితే, మొదటగా, ఈ సేవలు 13 నగరాల్లో మాత్రమే అందుబాటులో ఉంటాయి. అయితే ఇది నగరం మొత్తం హై-స్పీడ్ నెట్‌వర్క్‌ను యాక్సెస్ చేయగలదని కాదు. టెలికాం కంపెనీలు ముందుగా ఏరియాల వారీగా పైలట్ టెస్టింగ్ నిర్వహించి, ఆ తర్వాత నగరంలోని ఇతర ప్రాంతాలకు విస్తరించనున్నాయి. 4G సేవలను భారతదేశంలో దశలవారీగా అందుబాటులోకి తీసుకువ‌చ్చిన మాదిరిగానే 5జీ సేవలను కూడా అందుబాటులోకి తీసుకురానున్నారు. 5G ఇంటర్నెట్ వేగం 4G సేవల కంటే కనీసం 10 రెట్లు ఎక్కువ సామర్థ్యం క‌లిగి ఉంటుంది. మొదటి దశలో 5G సేవలను పొందే నగరాల జాబితా హైదరాబాద్ కూడా ఉంది.
మొదటి దశలో 5G సేవలను పొందే నగరాల జాబితా ఇదే..
- అహ్మదాబాద్,
- బెంగళూరు
- చండీగఢ్
- చెన్నై
- ఢిల్లీ
- గాంధీనగర్
- గురుగ్రామ్
- హైదరాబాద్
- జామ్‌నగర్
- కోల్‌కతా
- లక్నో
- ముంబై
- పూణే