దర్వాజ-హైదరాబాద్
Palle Dawakhanas: తెలంగాణ రాష్ట్రానికి త్వరలో 2000 పల్లె దవాఖానాలు అందుబాటులోకి రానున్నాయని ఆరోగ్య శాఖ మంత్రి హరీష్ రావు అన్నారు. ప్రస్తుతం ఉన్న ఆగ్జిలరీ నర్సు మిడ్‌వైఫ్ (ఏఎన్‌ఎం) కేంద్రాలను అప్‌గ్రేడ్ చేయ‌నున్న‌ట్టు వెల్ల‌డించారు. మహమ్మారి సమయంలో కోవిడ్-19-పాజిటివ్ రోగులకు చికిత్స అందిస్తున్నప్పుడు తమ ప్రాణాలను పణంగా పెట్టిన ANMల సహకారాన్ని మంత్రి కొనియాడారు. తెలంగాణ వ్యాప్తంగా ప్రజలకు ప్రాథమిక వైద్యం అందించడంలో ANMలు కీలకమని పేర్కొన్నారు.
ఏఎన్‌ఎమ్‌ల రెండవ సదస్సులో ప్రసంగించి మంత్రి హరీష్ రావు.. మధుమేహం, క్యాన్సర్ స‌హా ఇతర వ్యాధుల ప్రారంభ దశలో ఉన్న బలహీనమైన వ్యక్తులను గుర్తించి వారికి అధునాతన చికిత్స కోసం సిఫార్సు చేయాలని స‌భ‌కు హాజరైన వారిని కోరారు. త్వరలో కొన్ని జిల్లాల్లో బస్తీ దవాఖానాలు కూడా ఏర్పాటు చేయనున్నట్లు మంత్రి తెలిపారు.