ద‌ర్వాజ-హైదరాబాద్
Telangana: హైదరాబాద్ పాతబస్తీలో ప్రమాదకరమైన ఆటో డ్రాగ్ రేస్‌లో పాల్గొన్న ఆరుగురు ఆటో డ్రైవర్లను సౌత్ జోన్ పోలీసులు అరెస్ట్ చేశారు. ఫిబ్రవరి 24న అర్థరాత్రి మూడు ఆటోల బృందం DRDL కంచన్‌బాగ్ నుండి చాంద్రాయణగుట్ట వరకు రోడ్డుపై భయాందోళనలు సృష్టించి నిర్లక్ష్యంగా ఆటో రేసింగ్‌లో మునిగిపోయింది. స్థానికులు ఈ ఘ‌ట‌న‌ను వీడియో తీశారు. వారిపై చర్యలు తీసుకోవాల‌ని పేర్కొంటూ.. అధికారుల‌కు సోషల్ మీడియాలో ట్యాగ్ చేసారు. చాంద్రాయణగుట్ట పోలీసులు రంగంలోకి దిగి ఆటోలను గుర్తించి ఆరుగురు డ్రైవర్లను అదుపులోకి తీసుకున్నారు.
చాంద్రాయణగుట్ట పోలీసులు ఈ డ్రాగ్ రేసులో భాగ‌మైన సయ్యద్ జుబేర్ అలీ, సయ్యద్ సాహిల్, మహ్మద్ ఇబ్రహీం, మహ్మద్ ఇన్నాయత్, గులాం సైఫ్ ఉద్దీన్, మహ్మద్ సమీర్, అమీర్ ఖాన్‌లను తౌలిచౌకీకి చెందిన వారందరినీ అరెస్టు చేశారు. అరెస్టయిన డ్రైవర్లు అద్దె ప్రాతిపదికన ఆటో నడుపుతూ ఫిబ్రవరి 24వ తేదీ రాత్రి తమ ఆటోలో చాంద్రాయణగుట్ట ప్రాంతానికి వచ్చి ప్రజలకు అంతరాయం కలిగిస్తూ ప్రధాన రహదారిపై విన్యాసాలు చేయడం ప్రారంభించారు. ఆ ప్రాంతంలో భయాందోళనలు నెలకొన్నాయి. ఆటో డ్రైవర్లు న‌డుచుకున్న తీరు మాన‌వ జీవితాల‌కు, వ్య‌క్తిగ‌త భ‌ద్ర‌త‌కు హాని కలిగించేలా ఉందని ACP (ఫలక్‌నుమా) MA మజీద్ అన్నారు. పోలీసులు సీజ్ చేసిన మూడు ఆటోలు నగరంలో పలు ట్రాఫిక్ ఉల్లంఘనలకు పాల్పడుతున్నట్లు గుర్తించారు.
@shocgt have arrested six auto drivers for indulging in drag race pic.twitter.com/kYJaDIl6tg
— S.M. Bilal (@Bilaljourno) February 25, 2022
Nikhila