Rakesh Tikait: రైతు నాయ‌కుడు రాకేష్ టికాయ‌త్ పై ఇంక్ దాడి..

దర్వాజ-బెంగళూరు

Ink attack on farmer leader Rakesh Tikait: బీకేయూ నేత‌, రైతు నాయ‌కుడు రాకేష్ టికాయ‌త్ మీడియాతో మాట్లాడుతుండగా కొందరు వ్యక్తులు ఆయ‌న‌పై ఇంక్ దాడి (సిరా చ‌ల్లారు) చేశారు. క‌ర్నాట‌క‌లో ఈ ఘ‌ట‌న చోటుచేసుకుంది. దీనికి సంబంధించిన వివ‌రాలు ఇలా ఉన్నాయి.. బెంగళూరులో దాదాపు డజను మంది ప్రెస్ మీట్‌లోకి ప్రవేశించి రైతు నాయకుడు రాకేష్ టికాయ‌త్ పై సిరా విసిరారు.

భారతీయ కిసాన్ యూనియన్ నాయకుడు రాకేష్ టికాయ‌త్ మీడియాతో మాట్లాడుతుండగా.. కొంతమంది వ్యక్తులు అతని వద్దకు వచ్చి సిరా విసిరారు. ఆ తర్వాత వేదిక వద్ద కుర్చీలు విర‌గ్గొడుతూ.. ఎగిరిప‌డుతున్న దృశ్యాలతో గందరగోళం సృష్టించాయి. సిరా దాడి తరువాత, Tikait కు రాష్ట్ర BJP ప్రభుత్వం వేదిక వద్ద భద్రత కల్పించలేదని ఆరోపించారు. “ఇక్కడ స్థానిక పోలీసులు ఎటువంటి భద్రత కల్పించలేదు. ఇది ప్రభుత్వంతో కుమ్మక్కయ్యింది” అని ఆయన అన్నారు.

సోమవారం జరిగిన కార్యక్రమంలో భారతీయ కిసాన్ యూనియన్ నాయకుడు రాకేష్ టికాయ‌త్, యుధ్వీర్ సింగ్‌తో సహా అక్క‌డున్న ప‌లువురు రైతు నేతలపై నల్ల ఇంక్ చ‌ల్లారు. ఈ వీడియో వైర‌ల్ గా మారింది. క‌ర్నాట‌క‌ రైతు నాయకుడు కోడిహళ్లి చంద్రశేకర్‌ డబ్బులు అడుగుతూ పట్టుబడిన ఓ ప్రాంతీయ ఛానెల్‌ స్టింగ్‌ ఆపరేషన్‌ గురించి ఇద్దరు మాట్లాడుతుండగా ఇంక్‌ విసిరారు. ఈ ఆపరేషన్‌లో తమకు సంబంధం లేదని, చంద్రశేఖర్‌పై తగిన చర్యలు తీసుకోవాలని ఇద్దరూ స్పష్టం చేశారు.

#WATCH Black ink thrown at Bhartiya Kisan Union leader Rakesh Tikait at an event in Bengaluru, Karnataka pic.twitter.com/HCmXGU7XtT

— ANI (@ANI) May 30, 2022