ఆర్యన్‌ఖాన్‌కు బెయిల్ దొరికేనా…?

దర్వాజ-ముంబయి

Aryan Khan Drug Case : డ్రగ్స్‌ కేసులో బాలీవుడ్‌ బాద్‌షా షారుఖ్‌ ఖాన్‌ తనయుడు ఆర్యన్‌ఖాన్‌ బెయిల్‌పై ఉత్కంఠ కొనసాగుతూనే ఉంది. బెయిల్‌ పిటిషన్‌పై బుధ‌వారం విచారణ జరిపిన బాంబే హైకోర్టు.. విచారణను మరోసారి వాయిదా వేసింది. న్యాయ‌మూర్తి జస్టిస్‌ సాంబ్రేతో కుడిన ధర్మాసనం.. ఆర్యన్ ఖాన్, అర్బాజ్ మర్చంట్, మున్ముమ్ ధమేచా బెయిల్ పిటిషన్లను గురువారం 2.30 గంట‌ల‌కు విచారిస్త‌మ‌ని తాజాగా పేర్కొంది.

ఇదిలావుండ‌గా, బెయిల్ కోసం తీవ్రంగా ప్ర‌య‌త్నిస్తున్న ఆర్య‌న్ ఖాన్‌కు మ‌రో మూడు రోజుల్లో బెయిల్ రాకుంటే న‌వంబ‌ర్ 15 వ‌ర‌కు జైలులోనే గ‌డ‌పాల్సి ప‌రిస్థితి రానున్న‌ది. ఎందుకుంటే మ‌రో మూడు రోజుల్లో బాంబే హైకోర్టుకు దీపావళి సెలవులు రానున్నాయి. కాగా, ఈ అక్టోబ‌ర్‌ 3న ముంబ‌యి తీరంలో క్రూయిజ్‌ షిప్‌పై ఎన్సీబీ అధికారుల దాడిలో ఆర్యన్‌ఖాన్‌తోపాటు పలువురు డ్ర‌గ్స్ తో పట్టుబడ్డారు.