దర్వాజ-హైదరాబాద్
KTR: ఏపీలోని విజయవాడ నుంచి హైదరాబాద్‌కు వెళ్తున్న ఇండిగో విమానంలో ఓ మహిళకు హిందీ లేదా ఇంగ్లీషు మాట్లాడటం రాద‌నే కార‌ణంతో వేరే సీటు మార్చారు. భాష పేరుతో జరిగిన ఈ వివ‌క్ష‌ను గురించి విమానంలోని మ‌రో ప్ర‌యాణికురాలు సోష‌ల్ మీడియాలో పంచుకున్నారు. ఇప్పుడు ఇది దేశ‌వ్యాప్తంగా చ‌ర్చ‌నీయాంశంగా మారింది. ఇలాంటి వివ‌క్ష‌ను ఖండిస్తూ.. ఇండిగో విమ‌న సంస్థ తీరుపై ఆగ్ర‌హం వ్య‌క్తం చేస్తున్నారు. ఈ ఘటనపై మంత్రి కేటీఆర్ సైతం స్పందిస్తూ.. ఇండిగో తీరును ఖండించారు.
మంత్రి కేటీఆర్ త‌న ట్వీట్ లో స్థానిక భాషలను గౌరవించాలని సూచించారు. అలాగే, హిందీ, ఇంగ్లీష్ మాట్లాడ‌లేని ప్ర‌యాణికుల‌పై ఇలా వివ‌క్ష‌ను చూప‌కుంగా గౌరవించాలని పేర్కొన్నారు. స్థానిక భాషలు తెలిసిన మ‌రింత మంది సిబ్బందిని నియ‌మించుకోవాలంటూ ఇండిగోకు సూచిస్తూ.. త‌న ట్వీట్ ను స‌ద‌రు కంపెనీకి ట్యాగ్ చేశారు. ఈ ట్వీట్ ఇప్పుడు వైరల్ గా మారింది. అనేక మంది నెటిజ‌న్లు ఇండిగో విమ‌న సంస్థ తీరును ఖండిస్తూ.. ఆగ్ర‌హం వ్య‌క్తం చేస్తున్నారు.
Dear @IndiGo6E Management, I request you to start respecting local languages & passengers who may not be well conversant in English or Hindi
— KTR (@KTRTRS) September 18, 2022
In regional routes, recruit more staff who can speak the local language like Telugu, Tamil, Kannada etc. This will be a win-win solution https://t.co/GbJGi5nl0W
అస‌లు ఏం జ‌రిగిందంటే.. ?
సెప్టెంబరు 16న విజయవాడ నుంచి హైదరాబాద్‌కు వెళ్లే 6E 7297 విమానంలో ఈ ఘటన చోటు చేసుకుంది. ఒక తెలుగు మ‌హిళ హైదరాబాద్ కు వ‌స్తున్న క్ర‌మంలో ఫ్లైట్ లో ఆమెకు హిందీ, ఇంగ్లీష్ రాద‌నే కార‌ణంతో ఆమె సీటును మార్చారు. భాష పేరుతో ఇలా వివ‌క్ష చూప‌డం ఏంట‌ని తొటి ప్ర‌యాణికురాలు ఇదే విష‌యాన్ని సోష‌ల్ మీడియాలో పంచుకున్నారు. హిందీ, ఇంగ్లీష్ రాక‌పోవ‌డంతో సొంత రాష్ట్రంలోనే రెండో శ్రేణి పౌరులుగా ప‌రిగ‌ణించ‌బ‌డుతున్న వివ‌క్ష‌ను ఎత్తిచూపారు.
Indigo 6E 7297. Vijayawada (AP) to Hyderabad (Telangana), Sept 16-2022. The woman in green originally sitting in 2A (XL seat, exit row) was forced to seat 3C because she understood only Telugu, not English/Hindi. The attendant said it's a security issue. #discrimination @IndiGo6E pic.twitter.com/bHa8hQj5vz
— Devasmita Chakraverty, PhD, MPH (@DevasmitaTweets) September 17, 2022