నేరం కాదు కానీ.. సెక్స్ వ‌ర్క్ పై ముంబ‌యి కోర్టు సంచ‌ల‌న తీర్పు

దర్వాజ-ముంబ‌యి

Mumbai court verdict on sex work: నిబంధనల ప్రకారం సెక్స్ వర్క్ లో పాల్గొనడం నేరం కాదు కానీ, ఇతరులకు ఇబ్బంది కలిగించేలా బహిరంగ ప్రదేశాల్లో సెక్స్ వర్క్ చేయడం నేరమని ముంబయి కోర్టు పేర్కొంది. కోర్టు తన సంచ‌ల‌న తీర్పులో పలు కీలక విషయాలను ప్రస్తావించింది. రాజ్యాంగంలోని ఆర్టికల్ 19 ప్రకారం భారత భూభాగంలోని ఏ ప్రాంతంలోనైనా స్వేచ్ఛగా తిరగడం, నివసించడం, స్థిరపడటం ప్రాథమిక హక్కులని సెషన్స్ కోర్టు పేర్కొంది.

ఈ ఏడాది ఫిబ్రవరిలో ములుంద్ లో జరిపిన దాడుల్లో అదుపులోకి తీసుకున్న 34 ఏళ్ల మహిళా సెక్స్ వర్కర్ ను విడుదల చేయాలని సెషన్స్ కోర్టు షెల్టర్ హోమ్ ను ఆదేశించింది. సంరక్షణ, రాజ్యాంగంలోని ఆర్టికల్ 19 ప్రకారం భారత భూభాగంలోని ఏ ప్రాంతంలోనైనా స్వేచ్ఛగా తిరగడం, నివసించడం, స్థిరపడటం ప్రాథమిక హక్కులని ముంబ‌యి సెషన్స్ కోర్టు పేర్కొంటూ… “బాధితురాలు మేజర్ అనీ, ఆమె భారత పౌరురాలు కాబట్టి ఆమెకు ఈ హక్కులు ఉన్నాయనీ, కారణం లేకుండా బాధితురాలిని నిర్బంధిస్తే స్వేచ్ఛగా తిరిగే హక్కు, నివసించే హక్కు, స్థిరపడే హక్కుకు భంగం వాటిల్లుతుందని చెప్పొచ్చు. బాధితురాలు బహిరంగ ప్రదేశంలో సెక్స్ వర్కులకు పాల్పడినట్లు పోలీసుల నివేదికను బట్టి ఎక్కడా కనిపించడం లేదు…. బాధితుడు భారతదేశంలో ఎక్కడైనా నివసించడానికి, స్వేచ్ఛగా తిరగడానికి స్వేచ్ఛ ఉంది” అని కోర్టు తెలిపింది.

కేవలం పని పూర్వాపరాల ఆధారంగానే బాధితురాలిని నిర్బంధించడం సరికాదని కూడా కోర్టు పేర్కొంది.