దర్వాజ-అంతర్జాతీయం
UAE President: యునైటెడ్ అరబ్ ఎమిరేట్స్ (యూఏఈ) కొత్త అధ్యక్షుడిగా షేక్ మహ్మద్ బిన్ జాయెద్ అల్ నహ్యాన్ ఎన్నిక‌య్యారు. ఈ మేర‌కు ఆ దేశ సుప్రీం కౌన్సిల్ ప్రకటించింది. అధ్యక్షుడు షేక్ ఖలీఫా బిన్ జాయెద్ మరణం తర్వాత కొత్త అధ్యక్షుడిని ప్రకటించారు. షేక్ మొహమ్మద్ ఫెడరల్ సుప్రీం కౌన్సిల్ ద్వారా ఎన్నుకోబడ్డారని ఆ దేశ మీడియా పేర్కొంది. మాజీ అధ్య‌క్షుడి సోదరుడు మొహమ్మద్ బిన్ జాయెద్ (61) దేశానికి మూడో అధ్యక్షుడిగా ఎన్నిక‌య్యారు. ఆయన 2004 నుంచి అబుదాబి క్రౌన్‌ ప్రిన్స్‌గా పని చేసిన షేక్ మొహమ్మద్ అబుదాబికి 17వ పాలకుడిగా పని చేయనున్నారు.