ద‌ర్వాజ-న్యూఢిల్లీ
Sidhu Moose Wala murder-BJP : కాంగ్రెస్ నాయ‌కుడు,పంజాబీ గాయ‌కుడు సిద్ధూ మూస్ వాలాను గుర్తు తెలియని దుండగులు కాల్చి చంపారు. ఈ ఘ‌ట‌న‌పై తీవ్ర ఆగ్ర‌హం వ్య‌క్తం చేసిన బీజేపీ సంచలన ఆరోప‌ణ‌లు చేసింది. పంజాబ్ ఆమ్ ఆద్మీ (ఆప్) ప్ర‌భుత్వంపై తీవ్ర విమ‌ర్శ‌లు గుప్పించింది. ఆప్ క‌న్వీన‌ర్‌, ఢిల్లీ ముఖ్య‌మంత్రి ఆర‌వింద్ కేజ్రీవాల్ ఆగ్ర‌హం వ్య‌క్తం చేస్తూ.. ఢిల్లీ సీఎం రిమోట్ కంట్రోల్ ద్వారా పంజాబ్‌ను పరిపాలిస్తున్నారని, సిద్ధూ మూస్ వాలా హత్యకు అరవింద్ కేజ్రీవాల్ కారణమని బీజేపీ ఆదివారం ఆరోపించింది. బీజేపీ అధికార ప్రతినిధి సంబిత్ పాత్ర మాట్లాడుతూ.. భద్రతను తొలగించిన వారి పేర్లతో కూడిన రహస్య జాబితాను బహిరంగపరిచారని ఆరోపించారు. “ఒక విధంగా, ఇది హంతకులకు బహిరంగ ఆహ్వానం, మీరు మీ పనిని మీరు చేయగలరు, ఈ హత్యకు అరవింద్ కేజ్రీవాల్ కారణం” అని సంబిత్ పాత్రా అన్నారు.
మ‌రో బీజేపీ నేత మంజీందర్ సింగ్ సిర్సా సైతం ఆమ్ ఆద్మీ స‌ర్కారుపై విమ‌ర్శ‌లు గుప్పించారు. కాగా, సిద్ధూ మూస్ వాలాను గుర్తు తెలియని దుండగులు కాల్చి చంపారు. సిద్ధూ మూస్ వాలాతో సహా 424 మంది భద్రతను పంజాబ్ పోలీసులు ఉపసంహరించుకున్న ఒక రోజు తర్వాత ఆదివారం మాన్సా జిల్లాలోని జవహర్కే గ్రామంలో కాల్పుల ఘటన జరిగింది. ఈ కాల్పుల్లో సిద్ధూతో పాటు మ‌రో ముగ్గురు గాయపడ్డారు. సిద్ధూ మాన్సా నుంచి కాంగ్రెస్ టిక్కెట్‌పై అసెంబ్లీ ఎన్నికల్లో పోటీ చేసి ఆమ్ ఆద్మీ పార్టీకి చెందిన డాక్టర్ విజయ్ సింగ్లా చేతిలో తేడాతో ఓడిపోయారు. మూసా గ్రామానికి చెందిన శుభదీప్ సింగ్ సిద్ధూ అకా సిద్ధూ మూస్ వాలా గత నవంబర్‌లో కాంగ్రెస్‌లో చేరారు.