ద‌ర్వాజ-అంత‌ర్జాతీయం
SriLankaProtests: శ్రీలంక అధ్యక్షుడు గోటబయ రాజపక్సే రాజీనామా చేయాలని డిమాండ్ చేస్తూ శ్రీలంకలో వందలాది మంది నిరసనకారులు అధ్యక్ష భవనాన్ని ముట్ట‌డించారు. శనివారం సెంట్రల్ కొలంబోలోని హైసెక్యూరిటీ ఫోర్ట్ ఏరియాలోని ఆయన అధికారిక నివాసంలోకి బారికేడ్లను బద్దలు కొట్టి, ప్రభుత్వానికి వ్యతిరేకంగా నిరసనలు తెలిపారు. ఇటీవలి కాలంలో అత్యంత దారుణమైన ఆర్థిక సంక్షోభం మ‌ధ్య మ‌రోసారి ఈ నిరసనలు హోరెత్తాయి. అధ్యక్షుడు గోటబయ రాజపక్సే రాజీనామా చేయాలని మార్చి-ఏప్రిల్ ప్రారంభం నుంచి నిర‌స‌న కారులు ఆందోళ‌న చేస్తున్నారు. ఈ క్ర‌మంలోనే ఆయన నివాసాన్ని ముట్ట‌డించ‌డంతో రాష్ట్రపతి భవనాన్ని తన నివాసంగా, కార్యాలయంగా ఉపయోగిస్తున్నారు.
సామూహిక నిరసనల నేప‌థ్యంలో శ్రీలంక IOC ఇంధన పంపిణీని 2 రోజుల పాటు నిలిపివేసింది. శనివారం నాటి నిరసనలు పెరగడంతో రాష్ట్రపతిని శుక్రవారం సభ నుంచి తరలించినట్లు అంతర్గత వర్గాలు చెబుతున్నాయి. పోలీసులు టియర్ గ్యాస్, వాటర్ క్యానన్లను ప్రయోగించినప్పటికీ, వారిని చెదరగొట్టడానికి కాల్పులు జరిపినప్పటికీ, నిరసనకారులు భారీ గుమిగూడి బారికేడ్లను ఛేదించారు. ఇదిలావుండగా, గోటబయ రాజపక్స రాజీనామాకు పిలుపునిస్తూ, ప్రజా నిరసనల నేప‌థ్యంలో దేశంలో ఏర్పడిన సంక్షోభంపై చర్చించడానికి శ్రీలంక ప్రధాని రణిల్ విక్రమసింఘే శనివారం రాజకీయ పార్టీల నేతల అత్యవసర సమావేశానికి పిలుపునిచ్చారు.
అత్యవసర సమావేశానికి పార్టీ నేతలను పిలిచి, అత్యవసరంగా పార్లమెంటు సమావేశాన్ని పిలవాలని స్పీకర్‌ను కోరినట్లు విక్రమసింఘే కార్యాలయం నుండి ఒక ప్రకటన పేర్కొంది. ప్రెసిడెంట్ హౌస్ గోడలు ఎక్కిన నిరసనకారులు ఇప్పుడు ఎలాంటి ఆస్తి నష్టం జరగకుండా, హింసాత్మక చర్యలకు పాల్పడకుండా ఆక్రమిస్తున్నారు. అయితే, తాజా నిరసనల్లో ఇద్దరు పోలీసు అధికారులతో సహా కనీసం 30 మంది గాయపడ్డారు. వీరిని కొలంబోలోని ప్ర‌భుత్వ ఆసుపత్రిలో త‌ర‌లించారు. గొటబయ రాజపక్స అధ్యక్ష పదవి నుంచి వైదొలగే వరకు తాము ఊరుకునేది లేదని ఆందోళనకారులు తెలిపారు.
Unbelievable scenes from Sri Lanka where protesters have stormed the presidential palace as the economic crises worsens president has fled the palace
— Zohaib PTI (@Zohaibahmad456) July 9, 2022
A lessen for Pakistani government #SriLankaCrisis pic.twitter.com/Qt4pMGc1jG