దర్వాజ-అంతర్జాతీయం
World Food Safety Day 2022 : ప్రతి సంవత్సరం జూన్ 7 “ప్రపంచ ఆహార భద్రతా దినోత్సవాన్ని” జ‌రుపుకుంటారు. ఇది ఆహారం వల్ల కలిగే ప్రమాదాల గురించి అవగాహన కల్పించడానికి మరియు స్పృహతో తినడం ద్వారా మానవ ఆరోగ్యాన్ని మెరుగుపరచడం గురించి తెలియ‌జేస్తూ.. దీనిని జ‌రుపుకుంటారు. ఐక్యరాజ్యసమితి జనరల్ అసెంబ్లీ (UNGA) ఆహార భద్రతా సమస్యపై అవగాహన కల్పించడానికి 2018లో ప్రపంచ ఆహార భద్రతా దినోత్సవాన్ని జ‌రుపుకోవ‌డానికి పిలుపునిచ్చింది. యూఎన్ సభ్య దేశాలు, ఇతర వాటాదారుల సహకారంతో, ప్రపంచ వ్యాప్తంగా దీనిన పాటించడాన్ని WHO, ఐక్యరాజ్యసమితి ఆహార & వ్యవసాయ సంస్థ (FAO) సంయుక్తంగా సులభతరం చేసింది.ఈ సంవత్సరం థీమ్ “సురక్షితమైన ఆహారం, మెరుగైన ఆరోగ్యం”. ఇది మానవ ఆరోగ్యం, శ్రేయస్సును నిర్ధారించడంలో సురక్షితమైన, పోషకాహారం పాత్రను హైలైట్ చేయడం లక్ష్యంగా పెట్టుకుంది.
ప్రపంచ ఆహార భద్రతా దినోత్సవానికి సంబంధించి టాప్‌-5 పాయింట్స్ :
1) ప్రపంచ ఆరోగ్య సంస్థ (WHO) ప్రకారం.. 600 మిలియన్లు – ప్రపంచంలోని 10 మందిలో దాదాపు 1 ఒక‌రు కలుషితమైన ఆహారం బారిప‌డుతున్నారు. దీంతో ప్రతి సంవత్సరం అనారోగ్యం, ఇతర స‌మ‌స్య‌ల‌తో 420,000 మంది మరణిస్తున్నారు.
2) కలుషిత ఆహారం ద్వారా శరీరంలోకి ప్రవేశించే బ్యాక్టీరియా, వైరస్‌లు, పరాన్నజీవులు లేదా రసాయన పదార్థాల వల్ల దాదాపు 200కు పైగా ఆహార సంబంధిత వ్యాధులు వ‌స్తున్నాయ‌ని పేర్కొంది. మ‌రింత దారుణ‌మైన విష‌యం ఏమిటంటే కొన్నిసందర్బాల్లో ఈ వ్యాధులు శరీరంలో క్యాన్సర్ కణాల అభివృద్ధికి కూడా దారితీస్తాయి.
3) ఐదు సంవత్సరాల కంటే తక్కువ వయస్సు ఉన్న పిల్లలు 40 శాతం ఆహార వ్యాధుల భారాన్ని మోస్తున్నారు. ప్రతి సంవత్సరం 125,000 మంది మరణిస్తున్నారని WHO పేర్కొంది.
4) ఆరోగ్య సంరక్షణ వ్యవస్థలను దెబ్బతీయడం మరియు జాతీయ ఆర్థిక వ్యవస్థలు, పర్యాటకం మరియు వాణిజ్యానికి హాని కలిగించడం ద్వారా ఆహార సంబంధిత వ్యాధులు కూడా సామాజిక-ఆర్థిక అభివృద్ధికి ఆటంకం కలిగిస్తాయి.
5) ఆహార సంబంధిత వ్యాధుల ఆర్థిక భారంపై 2019 ప్రపంచ బ్యాంక్ నివేదిక తక్కువ మరియు మధ్య-ఆదాయ దేశాలలో ఆహారపదార్థాల వ్యాధితో సంబంధం ఉన్న మొత్తం ఉత్పాదకత నష్టం సంవత్సరానికి US$ 95.2 బిలియన్లు మరియు ఆహార సంబంధిత వ్యాధుల చికిత్సకు వార్షిక వ్యయం US$ 15 బిలియన్లుగా అంచనా వేయబడింది.
